Kalidad ng Serbisyo

Serbisyo – Pangunahing aktibidad na hindi direktang nagbubunga ng pisikal na produkto.. transaksyon sa pagitan ng buyer at seller  na walang anumang produkto..

Ang halimbawa nito: Barber shop, Parlor, Tindahan ng Airline Ticket, Ospital, Legal service, Retailer

Kung meron kang negosyo o isa kang manager sa negosyo o trabahador na gustong makatulong sa pag-angat ng kumpanya niyo, kelangan mong malaman ang mga bagay na makakapagpataas o makakapagpanatili ng serbisyong may kalidad.

Namulat tayo sa serbisyong  ‘Bahala na’, ‘Mamaya na’ at ‘Di bale ng tamad, di naman pagod’. Bakit kaya? Alam naman nating di makakabuti yun pero parang wala pa ring pagbabago sa serbisyo ng iba.

Ito ang mga listahan ng mga bagay na makakapag-paangat sa kalidad ng serbisyo ng mga Pilipino:

1. Time

— Gaano kabilis ang serbisyo mo? Gaano sila katagal mag-aantay? Hindi ba sila maiinip gaya ng mga customer sa Diner Dash? Kung bibili ka lang 1 pirasong cd papapilahin mo pa ba sila ng 30 mins? Higit pa sa ginto ang oras para sa karamihan ng tao. Kaya nga may Drive-Thru, Express Lane at Exact toll. Hangga’t maari, tulungan natin ang mga customer na wag masayang ang oras nila at mas ok kung magiging produktibo sila.

2. Timeliness

— Maibibigay mo ba sa takdang oras ang serbisyong pinangako mo? Sabi mo 5 minutes lang andyan na ang fries namin e ba’t 20 mins na wala pa rin? Sabi mo 3 days magagawa mo na yung electric fan namin e ba’t 3 linggo na di ka pa rin nakakabili ng piyesang kailangan? Sabi mo 10:00am ang opening niyo.. 10:30 na ba’t di parin kayo nagbubukas?

3. Completeness

Naibigay mo ba lahat ng order? Baka pinaorder mo sila tapos wala na pala tayong stock? Bakit kulang ng isang guhit yung baboy na kinilo mo? Ba’t kulang ng isang sachet yung isang dosenang shampoo?

4. Courtesy

Magalang bang bumabati ang mga tauhan? Hindi porke’t mukhang mayaman ay siya lang ang babatiin mo ng good morning.. Kahit sino pa yan, kahit magwiwindow shopping lang sila, bumati ka at maging magalang. Hindi mo alam kung kelan magiging mayaman ang taong dukha at magiging dukha ang taong mayaman. Kung anuman ang kanilang maging kalagayan, tanggapin mo pa rin sila bilang kustomer. Sige, subukan mong magbantay ng tindahan na may hawak kang labaha, pula ang mata, sabog ang buhok at salubungin mo ng masamang tingin.. Ewan ko lang kung may papasok pa sayo para magpagupit. Wag ring kalimutang magpasalamat sa lahat ng oras.

5. Consistency

Bawal ang chamba lang. Kunwari nagpagupit sila sayo dati at nagustuhan nila ng sobra. Bumalik sila sayo after 1 month tapos sabi sayo “Gusto ko yung gaya ng gupit mo sa akin nung last month ha..” E nachambahan mo lang yun dahil bara-bara ka lang, kamote ka na. Dapat consistent ka sa serbisyo mo at para magawa mo yun ay dapat may steps kang sinusunod.

6. Accuracy

Tama ba ang serbisyong binigay mo? Nagpapa-Xray lang sayo yung mamang may TB, CT Scan naman agad ang ginawa mo. Pinapabunot lang niya sayo ay yung ngipin niyang bagang sa dulo, binunot mo naman lahat ng ngiping may matigas na tartar.

7. Responsiveness

Madali mo bang masosolusyunan ang tanong at di inaaasahang problema ng iyong customer? Paano yan di ata nasama sa Blue Print yung garahe na pinahabol ko sa architect? Doc, yung anak ko nainuman yung baso ng tito niya na may TB?! Anong gagawin namin??? Pag ‘ahhh e… ahhh e… ahhh e…’ ang sagot mo, patay ka na. Asahan mo ng hindi na sila babalik sayo.

8. Accesibility and Convenience

‘Saan po ba yung barbershop dito?’ ‘Ahh.. Tawid ka diyan sa bubog tapos langoy kayo dun sa ilog na may 8 buwaya makikita niyo agad yun pag-ahon niyo.’ Wag niyong pahirapan ang customer niyo. Pumwesto sa lugar na magiging kombinyente para sa kanila at yung madali nilang mapupuntahan.

Pag patuloy mong inaayos ang walong yan, makakaasa ka na diretso sa pag-angat ang serbisyong mabibigay mo para sa iyong mga customers.

Tandaan mo ang depinisyon ng Quality..

Quality ay ang pag-abot o paghigit pa sa inaasahan ng iyong customer..

Kaya kung may computer shop ka, mag pakabit ka na ng mabilis na Connection. Kung may sari-sari store ka dapat laging may bantay at hindi yung kelangan pang magdoorbell ng 3 beses bago ka lumabas. Kung cashier ka, unahin mo muna ang pagsukli bago ang pagsagot sa text ng textmate mo. Kung driver ka ng Taxi, wag kang mamimili ng pasahero mo. Kung nagtratrabaho ka sa office, unahin mo muna ang trabaho mo bago ang Social Networking. Kung doktor ka, unahin mo muna ang pasyente mo bago ang paborito mong Koreanovela. Kung pulitiko ka, ipagawa mo muna ang kalsada naming baku-bako bago ang mansion mo. Para sa atin din naman lahat yan. Abala nga sayo, kaginhawaan naman sa iba. Di ba nga wag mong gawin sa iba ang ayaw mong gawin sayo? Kaya kung ayaw mong abalahin ka, wag ka na rin mang abala pa.

Gusto niyong makakita ng TUNAY NA SERBISYO?


Buti ka pa nakakapagpabanjing-banjing lang at petiks sa trabaho.

Malas ng mga batang to.

Kung mapagod at tamarin,

gulpi ang kanilang dadanasin..

Kung maglalaro’t mahihimbing,

sa munggo sila’y paluluhurin..

Kung mangangarap naman na edukasyon ay kamtin,

sikmura naman nila’y sa gutom bubutasin..

Kung kalidad ng serbisyo ay kanilang babalewalain,

sila ay buhay at diretsong ililibing..

–Metaporista

0 thoughts on “Kalidad ng Serbisyo

  1. hangang-hanga ako sir M sa pagtalakay mo ng mga bagay-bagay, lalo na sa mga social issues at ibang discipline. maraming ibon ang huli sa isnag batong ipinukol.

    minsan petiks din ako sa work dahil na rin sa bulk ng work, minsan wala minsan sobrang dami, nagrereklamo kung kinakailangan (nagpapaliwanag sa malumanay na pamamaran) dahil ang totoo mahirap katrabaho ang mga arabo, sala sa init minsan sala sa lamig.

    sa halos 2 taon ko na dito napansin kong maayos ang serbisyong pampubliko nila marahil dahil isang absolute monarchy ang kanilang gobyerno, mula sa paaralan, hospital, mga kalsada ay napansin kong maayos talaga, sa mga establishments naman ay ganun din, although mas madaming pila ang mga lalake, dahil separate talaga ang mga babae at family.

    sa karanasan ko sa Pilipinas at bilang Pilipino malamang guilty tayo sa kawalan ng disiplina sa tagapagbigay at kumukuha ng serbisyo. palagi akong naniniwala na kayang makamit naman ang mga ito. alam ko madaming child labor sa atin at iba pang panig ng mundo maraming salamat sa pagreremind na mapalad pa rin ako, sorry naman sir ang haba.

    be blessed

    1. Mahirap po ba talaga katrabaho ang mga arabo? Di ko pa kasi nasusubukan.. Kung mag-aabsolute monarchy naman tayo maraming papalag na pilipino.. pero mukhang mas susunod nga ang mga tao.. mahigpit din kasing pinatutupad po ang batas diyan di po ba?.. Pansin ko rin na pag ang pilipino nasa ibang bansa, kaya naman magbigay ng magandang serbisyo pero ag nasa sariling bansa na, parang lumalabas nanaman yung ugaling bahala na.

  2. sir! tinamaan ako dun sa isa, hahaha! kung asa office ka nagwwork, unahin ang trabaho at wag ang social networking. aw. hahaha!

    magaling. sakto at swabe ang pagkakadescribe ng bawat isa. dun ako sa efficiency, bihira kasi ang mga taong kayang gumawa ng sariling sistema na sila lang ang nakakaintindi. bilib ako sa mga tulad nila.

    so far, pinipilit kong maging ganun. hindi dahil para sa akin, kundi dahil sa mga taong binibigyan kong serbisyo. mas mabilis na trabaho, mas accurate na serbis. mas okay. kasi, at the end of the day, minsan nga, kalahati pa lang ng araw, pepetiks ka na kasi tapos na lahat ng dapat mong gawin.

    at dahil dun, pede pumasok ang pagpetiks at pagpepeysbuk at maglalagalag sa wordpress notes! hahaha. 🙂

    padaan ho sir.

    1. Atleast you’re trying. Yun ang mahalaga. Basta dapat ang serbisyo pataas ang kalidad at hindi pababa. Para sa inyo rin naman yun. Kung kikita ang kompanya nyo, oo sabihin nating hindi direktang pupunta sa inyo pero marerecognize lang nila na kumita sila dahil sa galing at sipag mo ay ok na. Kumbaga e, kung may isang empleyado na pwedeng bigyan ng kotse ay ikaw yun.

      Yung Quality kasi ay hindi naman talaga maabot mo lang ang expectation ng customer kundi mahigitan pa ito. Siguro nga medyo magpapaluwal ka, pero ang balik sayo ay triple. Sabi nga nung isang int’l company, ‘dibale ng palitan namin ang maraming produktong binalik sa amin dahil may defect kesa mawalan kami ng isang loyal na customer’. Yun ang pinaka-target mo dun. Maging loyal sila sayo. Iparamdam mo lang na wala na sa mundong ito ang makakapagbigay ng serbisyo na kaya mong ibigay.

  3. ang ganda nito – informative about business ethics. iyon nga lang, marami sa atin ay kulang pa pagdating sa larangang ito – kung paano gawing businesslike ang ating kilos at attitude… :-

    andami pang dapat gawin to standardize and to professionalize the services dito sa atin – public and private.

    may mga nagkakarga ng personal inefficiencies and luho sa trabaho dahil ang big picture na nakikita nila ay ang general inefficiencies – dahil widespread, makakalusot. tingin ko lang… 🙂

    1. Totoo yan, una sa lahat na kailangan natin ay standardization. Not necessarily ISO accredited ka. Basta may TQM kayo ay solve-solve na. Ang ISO kasi ay more on documentation.. Sa pilipinas meron ng ISO accredited na mga kumpanya yung ‘MEKENI’ na nagtitinda ng mga tocino ay isang magandang example. Pag may ISO ka nga lang ay mas broadcast ang maayos yung sistema niyo at hindi kayo-kayo lang ang nakakaalam.

      Sa isang private company, malaking pagbabago ang nangyayari pag kailangan nilang iangat ang kalidad ng serbisyo. Yun nga, paluwal muna ng oras at pera pero yung ginastos niyo ay babalik din sa inyo soon dahil mataas ang kalidad niyo at mas tatangkilikin kayo. Sa private nga hirap na, sa gobyerno pa kaya.

      Hindi kasi nasimulan ang gobyerno natin ng maayos e. Kumbaga, nagtayo ka ng building na 30 floors pero narealize mo hindi pala sapat yung capacity ng foundation. At ang tanging paraan mo para maayos ang lahat ay gibain lahat dahil nasa pinakailim ang pundasyon. Pero kung nasimulan sana ng gobyerno natin ang lahat, mas suwabe.

      Culture change.. yan ang kinatatakutan ng iba. Hindi ito yung buburahin mo na sa mundo ang igorot.. Ang culture na sinasabi ko ay yung nakagawian na nila.. Kunwari, sa gobyerno nakagawian na nilang tagatatak lang ng ‘PAID’ ang trabaho nila, pag-inutusan mo sila ng iba pang trabaho para maging efficient ay papalag na ang mga yun..

      tama yung sabi niyo.. dahil widespread kaya nakakalusot..

  4. Yung walong nabanggit mo ay para akong nagbabasa ng mantra ng aming kumpanya, tagalog nga lang. Yung mga ganitong post ang nagpapaalala sa akin na nakakahiyang magreklamo at mag-emoshit dahil alam kong maswerte pa din ako.

  5. kada babasahin ko yung mga akda mo, mas napagtutuunan ko ng pansin yung paraan mo ng pagpili ng ilalahad na topic. lagi kasing ‘must read’. mahusay.at higit sa lahat, yung highlight eh yun mismong magpapatotoo na ‘kailangan’ natin itong isabuhay dahil lagi mong pinapa-alala na mas maswerte tayo at walang karapatan na mag rewklamo kumpara sa mga larawan na ibinahagi mo. salamat. isang karangalan sa mundo ng blog.

  6. Sobra naman ganda nito….

    hehehehee,….

    ouch….OA lang, isa na ako sa taong nasa office na pa petiks peiks lang minsan….

    nice post…..

    keep it up…..

    hehehe

    ingats,…..

Leave a Reply